Лениногорск районында гомер итүче рәссам Мансур Закиров 87 яшендә иҗат итә

“Яшел урман-таулы якларда туып үскән төньяк күңеле”. Лениногорск районында гомер итүче рәссам Мансур Закиров турында шулай диләр.

 Яңа Шөгер авылына аның иң якын дуслары - Казаннан бер төркем рәссамнар кайтты. Ул аларны урамдагы күргәзмәсе белән каршылый. Мансур агага 87 яшь, ул һаман да иҗат итә.  

Татарстанда Мансур Закировны сәяхәтче буларак та беләләр. Рәссам 20 ел Чукоткада яшәгән. Картиналарында аның кырыс табигатенә кайнар мәхәббәте сизелә.