Мәгариф министры Илсур Һадиуллин: "туган тел" һәм "туган әдәбият" төшенчәләре саклап калынды

"Бу көннәрдә 18 июльдә имзаланган тагын бер боерык алдык. Ул 17 июльдә РФ Юстиция министрлыгында теркәлгән һәм инде гамәлдә. Анда "туган тел" һәм "туган әдәбият" төшенчәләре сакланып калган. Шуңа күрә туган тел булмаячак, дип борчылырга кирәкми. Туган тел дәресләрен кыскартуга килгәндә, без хәзерге вакытта бу мәсьәлә буенча эш алып барабыз. Нәтиҗәләр булыр, дип уйлыйм. Безнең максат – туган тел һәм әдәбият фәннәрен атнага ике, өч сәгать күләмендә саклап калу», - диде Мәгариф һәм фән министрлыгы башлыгы.

Һадиуллин аңлатканча, уку планының биш варианты бар. «Беренче һәм икенче вариантта туган тел юк. Әмма республикада алар кулланылмый. Бездә уку планының өченче, дүртенче һәм бишенче вариантлары кулланыла», - диде министр.

Фото: скриншот ТНВ