Җиңү көненә быел нинди тантаналар оештырыла?

"Үлемсез полк" кабат урамнарга чыга, батырларны ясалма акыл ярдәмендә җанландыралар, каһарманнарга һәйкәлләр ачыла. Быел Җиңүнең 80 еллыгын Казанда аеруча зурлап билгеләп үтәчәкләр.

Тантаналарга кадәр бер атнадан артыграк вакыт калып бара. Бәйрәм уңаеннан башкалада 500ләп вакыйга оештырылачак. Төп игътибар - ветераннарга. Казанда алар - 2586 кеше. 56сы -Бөек Ватан сугышында катнашучылар.

9нчы май алдыннан алар яши торган йортлар каршында концерт куячаклар, бәйрәм парады оештыралар. Җиңү көненең төп чаралары хакында Инзилә Хөсәенова.