Түбән Камада "Җиңү трамваен" 7 майда эшләтеп җибәрәчәкләр

7 майда Түбән Камада Бөек Ватан сугышында Җиңүнең 80 еллыгына багышланган "Җиңү трамвае" акциясе узачак. Бу хакта шәһәр администрациясенә сылтама белән "НТР 24" хәбәр итә.

Тематик яктан бизәлгән трамвай 2 маршрут буенча йөриячәк - деподан Красный Ключ поселогына кадәр һәм кирегә. Пассажирларны сугыш еллары җырлары һәм шигырьләре белән чыгышлар, совет халкының батырлыгы турындагы тарихлар, сугыш вакыйгаларын белүгә викторина һәм музыкаль конкурс көтә.

Элегрәк Татарстан Рәисе Рөстәм Миңнеханов Бөек Ватан сугышында Җиңүнең 80 еллыгы уңаеннан бер тапкыр бирелә торган акчалата түләү турындагы указга кул куйган иде.

Фото: ntr-24.ru