Югары Ослан районының Введенка бистәсендә яңартылган Хәтер скверын ачтылар

Югары Ослан районында яшәүче биш мең кеше өчен истәлекле вакыйга! Введенка бистәсендә яңартылган Хәтер скверын ачтылар, Мәңгелек ут кабыздылар. Митингта катнашу өчен районга Россия Герое - Александр Лапин килде. 

Мемориаль комплекс хәзер ачык һавадагы музейны хәтерләтә. Монда һәйкәлләр дә, хәрби техника да бар. Стелаларда Бөек Ватан сугышында, Әфганстан, Чечня, Сириядәге бәрелешләрдә, СВОда катнашып һәлак булган батырлар истәлеге мәңгеләштерелә.