Татарстанда сабыйларга нинди исемнәр кушканнар? Нурлан, Тея, Арья һәм Дэя

Узган атнада, 26 февральдән 3 мартка кадәр, Гражданлык хәле актларын теркәү идарәсенең Казан бүлекләрендә 360 бала — 196 малай һәм 164 кыз тууы теркәлгән. Шул ук вакыт аралыгында 184 пар үзләренең никахларын рәсмиләштергән, дип хәбәр итә Казан мэриясе матбугат хезмәте.

Иң кечкенә сабый 1 250 грамм авырлыкта туган, ә иң зурысы 4710 грамм тәшкил иткән.

Атнаның иң популяр исемнәр арасында Динислам, Ядкарь, Нурлан, Дамиан, Әлфис, Леон, Сафийя, Нәзирә, Ноя, Нур, Иделия, Нәргизә, Тея, Арья һәм Дэя булган, ә иң сирәк исемнәр - Даян, Аян, Аим, Рәүф, Раниф, Раян, Ихлас, Мирабэлла, Паулина, Фирүзә, Алесия, Ася һәм Майя.

Фото: pixabay