Татарстанда сабыйларга нинди исемнәр кушканнар? Камил, Марк һәм Нурания

Узган атнада, 7 апрельдән 13 апрельгә кадәр, Гражданлык хәле актларын теркәү идарәсенең Казан бүлекләрендә 417 бала - 216 малай һәм 201 кыз тууы теркәлгән, дип хәбәр итә Казан мэриясе матбугат хезмәте. 147 пар үз никахларын рәсмиләштергәннәр.

Атнаның иң популяр исемнәр арасында Аяз, Камил, Марк, Александр, Матвей, Булат, Әмир, Радмир, Тимур, Михаил, Мирон, Сафия, Ясминә, Әминә, Ева, София, Айлин, Камилә, Асель һәм Арина.

Иң сирәк исемнәр - Микаил, Эльвир, Тим, Акилл, Никанор, Арес, Адэль, Малик, Тәнзилә, Аристарх, Микей, Рәшид, Таймия, Аврелия, Айдина, Дэлия, Аяна, Розалия, Илдана, Рания, Райхан, Лаиян, Нурания һәм Айсель булган.

Фото: ТНВ