Казанда пилотсыз очкычлар һөҗүме аркасында махсус режим гамәлгә керде

Бүген 13:40 сәгатьтә Казанда "пилотсыз очкычлар куркынычы" режимын игълан иттеләр. Татарстанлыларга тиешле хәбәр "МЧС России" кушымтасында килде.

Исегезгә төшерәбез, 12:20 сәгатьтә Татарстанда ПВО дежур чаралары белән самолет тибындагы Украина пилотсыз очу аппаратын юк иттеләр, дип хәбәр иттеләр Россия Оборона министрлыгы матбугат хезмәтендә.

Алабуга мэры Рөстәм Нуриев БПЛА һөҗүме нәтиҗәсендә зыян күрүчеләр һәм корбаннар юк, дип белдерде. Урында ашыгыч хезмәтләр эшли.

Фото: скриншот