Казанның Мәскәү районындагы кайбер урамнарда транспорт хәрәкәтен чикләячәкләр

Казанның Мәскәү районындагы кайбер урамнарында транспорт хәрәкәтен чикләү кертеләчәк. Бу участоклардагы юлларны төзекләндерү белән бәйле.

Шәһәр мэриясе сайтында чикләнәчәк урамнар аталды:

15 майдан 15 июльгә кадәр Васильченко урамындагы 6 нчы йорттан Восстание урамына кадәр хәрәкәт туктатылачак.

15 майдан 31 августка кадәр Ибраһимов проспекты буенча Восстание урамыннан Чистай урамына кадәр чикләүләр кертеләчәк.

15 майдан 30 сентябрьгә кадәр Декабристлар урамында Кремль дамбасыннан алып Восстание урамына кадәр хәрәкәт чикләнәчәк.

15 майдан 15 октябрьгә кадәр хәрәкәт Серов урамында, Ленская урамыннан Восход урамына кадәр чикләнәчәк.

Фото: ТНВ