Казанда Кремль урамы буенча транспорт хәрәкәтен чикләячәкләр

Казанда, НУР халыкара медиасәнгать фестивален уздыру вакытында, 22 майдан 26 майга кадәр Кремль урамында транспорт хәрәкәте чикләнәчәк. Шулай ук Үзәк стадион каршындагы парковка ябылачак, дип яза шәһәр мэриясе матбугат хезмәте.

22 май 12:00 сәгатьтән 26 май 05:00 сәгатькә кадәр Чернышевский урамыннан Беренче Май мәйданына кадәр участокта Кремль урамы буенча хәрәкәт ябылачак (шул исәптән Иванов төшүе).

23 май 20:00 сәгатьтән 25 май 05:00 сәгатькә кадәр Үзәк стадион һәм цирк каршындагы машина кую урыны ябылачак.

Фото: ТНВ