Казанның тарихи йөзе бозыла: Зур Кызыл урамында XIX гасыр бинасын сүтәләр

Казанның нәкъ үзәге - Зур Кызыл урамында XIX гасыр бинасын сүтәләр. Кайбер массакүләм мәгълүмат чаралары хәбәр иткәнчә, әле күптән түгел бу йорт тарихи кыйммәткә ия, шәһәрнең йөзен билгели торган объект булып саналган. 

Авария хәлендә булу сәбәпле, 2022нче елда аны Татарстан Рәисе Рөстәм Миңнеханов карап чыга, ул чакта төзекләндерергә дигән карар кабул ителә. Монда техника ике гасырлык тарихны җимерсә, Кремль урамында вандаллар Александр Пассажы тәрәзәләрен ваткан. Казанның тарихи биналарына кемнең кулы күтәрелгән? Аларны саклап калып булырмы? Алия Хәйретдинова репортажы.