7 чакрымга сузылган транспорт бөкесе: Хөсәен Ямашев проспектында багана ни сәбәпле ауган?

Кичә Казан халкының бер өлеше - эшкә 7 чакрымга сузылган транспорт бөкесен узып кына барып җитә алган. Хөсәен Ямашев проспектының "Ак Барс Арена" янындагы өлешендә ут баганасы авып, хәрәкәт тоткарлана.

Әлеге тимер корылма төбеннән үк сынып чыга һәм йөк машинасы түбәсенә төшә. Баганага тоташтырылган электр чыбыкларын - троллейбус эләктергән, дип фаразлыйлар.

Әлегә бу хәлнең сәбәпләрен төгәл әйтә алмыйлар. Вакыйга урынына Рүзәл Шәрипов юл тотты.