Татарстанда Милли мәдәниятләр һәм гореф-гадәтләр елы рәсми рәвештә ачылды - видео

Кичә Татарстанда Милли мәдәниятләр һәм гореф-гадәтләр елы рәсми рәвештә ачылды. Тантана "Казан-Экспо"да, Президент Рөстәм Миңнеханов катнашында узган мәдәният министрлыгы коллегиясе белән үрелеп барды.

"Буынннан-буынга күчә торган рухи хәзинәләрне өйрәнүгә һәрвакыт аерым игътибар бирелергә тиеш. Бу ел - халыкларның милли үзенчәлекләрен танытуга тагын бер этәргеч булып торырга тиеш", ди Рөстәм Миңнеханов.

Коллегиядә борчыган мәсьәләләргә дә тукталдылар - авыл җирендә кадрлар җитмәү, мәдәният йортларының эшчәнлеге, аларга халыкны җәлеп итә алу-алмау. Тулырак киләсе репортажда.