Онлайн трансляция

Свернуть

Концертмейстер Мөнирә Хәбибуллина вафат булган

Концертмейстер Мөнирә Хәбибуллина вафат булган

https://tnv.ru

18 Апрель 2024, 17:52

1259

0

Концертмейстер Мөнирә Хәбибуллина вафат булган
Кичә Татарстан Республикасының атказанган сәнгать эшлеклесе, концертмейстер Мөнирә Хәбибуллина вафат булган булган. Бу хакта «Татар-информ» хәбәрчесенә мәрхүмнең тормыш иптәше Казан дәүләт консерваториясе профессоры, Татарстанның атказанган сәнгать эшлеклесе Сәгыйть Хәбибуллин сөйләгән.

«Рафаэль Сәхәбиев, Мөнир Якубов, Зилә Сөнгатуллина һәм башкаларга ул беренче адымнарын ясаганда хәер-фатыйха, илһам бирде. Мөнирәне бик хөрмәт иттеләр. Илһам абый Шакиров аның белән эшләде. Мөнирәнең бүлмәсе лаборатория кебек иде. Георгий Ибушев еш килә иде. Мөнирә аша узган җырчының киләчәге яхшы була», – дип сөйләгән Сәгыйть әфәнде.

Хәбибуллина Мөнирә Мөнир кызы — Татарстанның атказанган сәнгать эшлеклесе. 1949 елны Казан шәһәрендә туа. Нәҗип Җиһанов исемендәге Казан дәүләт консерваториясендәге Урта махсус музыка мәктәбен тәмамлый. 1968 елда Казан консерваториясенә (профессор Э. А. Монасзон классы) керә, 1973 елда тәмамлый. Дмитрий Кабалевский исемендәге пианистлар конкурсы лауреаты.

1969-1973 елларда Нәҗип Җиһанов исемендәге Казан дәүләт консерваториясендә концертмейстер булып эшли. 1974 елдан 2007 елга кадәр ТР радио һәм телевидение концертмейстеры вазифасында. 1990 елдан — Казан дәүләт мәдәният һәм сәнгать университетының вокаль сәнгать кафедрасында концертмейстер.

Барлыгы 400дән артык концерт куя, алар арасында Равил Фәйзуллин, Муса Җәлил, Фатих Әмирхан, Рөстәм Яхин, Әхсән Баян юбилейлары. Шулай ук Фәнис Яруллин, Рәмис Аймәт, Лидия Әхмәтова, Хәйдәр Бигичев, Федор Шаляпин, Александр Пушкинның иҗат кичәләре һ.б.

Фото: "Татар-информ, Владимир Васильев

Читайте новости в нашем Telegram и Дзен.



Комментарии 0

Аватар

Новости партнёров