Әлмәттә "Сандугач сайрар илем" фестиваленең финалы узды

Әлмәттә "Сандугач сайрар илем" фестиваленең финалы узды. Ул - 28 ел дәвамында Республиканың көньяк-көнчыгыш районнарында яшәүче балалар өчен төп мәдәни вакыйгага әверелде.

Алар җыр-бию, музыка коралларында уйнау осталыгы буенча ярыша. Фестивальне - Татнефтьнең хәйрия фонды оештыра. Алар шул рәвешле сәләтле яшьләрне барлый, аларга үсәр өчен мөмкинлек бирә, иң көчлеләрен стипендия түләп укыта.