Балык Бистәсе районында яшәүчеләр Бөек Ватан сугышында катнашкан якташлар истәлегенә "Үлемсезлек" дигән китап чыгарганнар

Матросов батырлыгын кабатлаган татар егете онытылырга тиеш түгел. Балык Бистәсе районында яшәүчеләр Бөек Ватан сугышында катнашкан каһарман якташларының истәлеген мәңгеләштерә.

"Үлемсезлек" дигән китап бастырып чыгарганнар. Анда - Барый Шәвәлиев турында мәгълүмат тупланган. Ул 19 яшендә Беларуссиядә барган бәрелештә танк амбразурасын гәүдәсе белән каплап, һәлак була. Вафатыннан соң, 2нче дәрәҗә Бөек Ватан сугышы орденына лаек дип табыла.

Ә менә Советлар Союзы Герое исеме бирелми калган, ди китап авторлары. Алар белән Люция Нотфуллина аралашып кайтты.