Төп театраль вакыйга: Казанда "Алтын битлек" премиясе ияләрен ачыкладылар

Казанда илнең төп театраль премиясен- «Алтын битлек"не тапшырдылар. Бу — тарихи вакыйга. Моңарчы әлеге тантана Мәскәүдә генә узган. Быел исә Казанны сайлаганнар.

Тантана үзенчәлекле архитектурасы белән барсын да гаҗәпләндергән яңа Камал театры бинасында үтә. Аны Татарстанда уздыру турында премия президенты Владимир Машков Рөстәм Миңнеханов белән моннан ярты ел элек килешкән иде. Кичә иртәдән театрда остаханәләр, лекцияләр, түгәрәк өстәлләр эшләде. Кичен артистлар Казан урамнарына чыгып, башкала халкын һәм кунакларын сөендерде.

Премиягә 734 гариза килгән. 8 төп номинациядә иң яхшы спектакльләр, иҗат төркемнәрен һәм артистларны ачыкладылар. Татарстан театрларыннан бердәнбер номинант — Качалов театрының «Гамлет» спектаклендә Клавдий роле өчен Илья Славутский бар. Кемнәр җиңүгә иреште? Лиана Бәхтиева репортажы.