Камал театры актрисасы Алинә Мөдәрисовага мактаулы исем бирелде

Галиәсгар Камал исемендәге татар дәүләт академия театры актрисасы Алинә Мөдәрисовага театр сәнгате үсешенә керткән өлеш өчен “Татарстанның атказанган артисты” дигән мактаулы исем бирелгән. Бу хакта театрының матбугат хезмәте хәбәр итә.

Указга Татарстан Рәисе Рөстәм Миңнеханов кул куйган.

Бүген шулай ук Тинчурин театры актеры Артем Пискуновка да мактаулы исем бирелүе билгеле булды. 

Фото: kamalteatr.ru