КФУ доценты карның кайчан актив эри башлаячагын әйтте

Күктән явып торган яңгыр кар катламын киметә ала. Бу хакта КФУ доценты Тимур Әүхәдиев хәбәр итә. Галим сүзләренчә, кар температура нольдән югарырак булганда гына актив кими башлаячак.

Әүхәдиев сүзләренчә, гадәттә мондый дәверне март азагында көтәргә кирәк. Быел мондый көннәр икенче атнага башланачак.

"Бу кар катламының биеклеген киметәчәк, әмма без әлегә аның тулысынча эреп бетүен фаразламыйбыз. Карның тулысынча юкка чыгуын без апрельнең икенче яки өченче декадасында көтәбез", - дип хәбәр итте Тимур Әүхәдиев.

Фото: kartin.papik.pro