Казанның Лейтенант Красиков урамында транспорт хәрәкәте өлешчә чикләнәчәк

ТР башкаласының Лейтенант Красиков урамында транспорт хәрәкәте өлешчә чикләнәчәк. Тиешле боерык Казан шәһәре муниципаль берәмлегенең Документлар һәм хокукый актлар җыентыгында басылып чыкты, диелә шәһәр мэриясе сайтында.
25 марттан 30 апрельгә кадәр Лейтенант Красиков урамының 1 нче һәм 3 нче йортлар янындагы участоклары ябылачак. Чикләү суүткәргечтә ремонт эшләре башкару белән бәйле рәвештә кертелә.

Фото: ТНВ