Түләп булмый торган ипотека һәм Рөстәм Миңнехановның Путинга мөрәҗәгате

Бу атнада безнең Республика Рәисе - Россиядә күпчелек гаиләләргә кагылган тәкъдим ясады. Ул - ташламалы ипотеканың шартын үзгәртеп, аны 14 яшькәчә баласы булган гаиләләргә һәм СВОда катнашучыларның гаиләләренә бирергә кирәк дип саный. Эш шунда ки, хәзер банк ставкасы бик югары һәм кеше ипотека ала алмый.

Рөстәм Миңнеханов Россия Дәүләт Советының "Яшәү өчен инфраструктура" юнәлеше буенча комиссиясен җитәкли. Бу атнада ул Владимир Путин алдында 15 минут чыгыш ясады. Аңа әзерләнгәндә Рәис Россия төбәкләрендәге хәлне анализлап, халыкка ярдәм итәрдәй тәкдимнәрен белдерде. Миңнехановның бу эшчәнлеген Владимир Путин югары бәяләде.