РКБ табиблары саморез сулаган 25 яшьлек егетне коткарганнар

Казанда Республика клиник хастаханәсенең торакаль хирурглары саморез сулаган 25 яшьлек егетне коткарган.

Табиблар аңлатканча, яшь кеше - психика үзенчәлекләре булган инвалид, шуңа күрә проблеманы егетнең температура күтәрелә башлагач кына аңлаганнар. Пациентны үпкә ялкынсынуы белән хастаханәгә китергәннәр.

Хирургия бүлеге табиблары чит предметны алганнар. Тиздән авыруны да хастаханәдән чыгарачыклар.

Фото: t.me/rkb_tatarstan