Мамадыш районында 74 яшьлек ханымга төлке ташланган

Мамадыш районында котыру авыруына каршы карантин игълан ителде. Бу хактагы указны Татарстан Рәисе Рөстәм Миңнеханов имзалаган. Әлеге чикләү - Соколка авылындагы хәлдән соң гамәлгә кертелә. 

Атна башында 74 яшьлек ханымга төлке ташланган иде. Әмма ул югалып калмый, ерткыч бер тапкыр тешләгәннән соң - аның һөҗүмен туктата алган. Ел башыннан Татарстанда котыру чиренең 20 очрагы теркәлгән инде. Белгечләр - төлкеләрнең саны арта, дип чаң суга. Ни өчен моңа да карамастан, ерткычларны атарга рөхсәт ителми?

 Вакыйга урынында бүген хәбәрчеләребез эшләде.