"Акча кортлары": ришвәтче түрәләргә нинди җәза бирелә?

Татарстанда ел башыннан 80нән артык түрәне - ришвәт алуларын раслап, җаваплылыкка тартканнар. Депутатлар, район башлыклары, төрле оешма җитәкчеләре тикшерелә.

Прокуратура гына 7 җинаять эшен судка тапшырган. Алар 728 миллион сум ришвәт белән бәйле. Бу сумманың зур өлеше 3 районның элеккеге башлыкларына кагыла.

Узган ел белән чагыштырганда Республикада ришвәтнең уртача суммасы ике тапкырга артып, 702 мең сумга җиткән. Теманы Инзилә Хөсәинова дәвам итә.