Авылга кайту — сынау: Яңа юл салынгач, Каипта яшәүчеләргә көн саен 8 чакрым узарга туры килә

Яңа юл бар, әмма авылга керү өчен шактый урау юл узарга кирәк. Шундый зарлары белән безгә Лаеш районы Каип авылында яшәүчеләр мөрәҗәгать итте.

Өйләренә кайту, күрше авылларга бару өчен аларга көн саен өстәмә 8 чакрым ара үтәсе. Әлеге кыенлыклар Сокуры авылы аша урау юл салынгач, нәкъ менә юл чишелеше төзелгәч, барлыкка килгән. Хәзер Каип авылына барып җитәр өчен машина йөртүчеләргә М12 трассасына чыгып борыласы. Каип авылы халкы гозерен Эльмира Имамиева тыңлады.