Татарстан Рәисе Рөстәм Миңнехановның Үзбәкстан Республикасына эш сәфәре

Татарстан Рәисе Рөстәм Миңнеханов эш сәфәре белән Үзбәкстан Республикасында иде. Бохара, Навои һәм Ташкент шәһәрләрендә 2 көнлек бай эшлекле программа әзерләнгән. 

Көннең төп вакыйгасы - "Иннопром. Үзәк Азия" дип аталган Халыкара сәнәгать күргәзмәсендә катнашу булды. Биредә Рөстәм Миңнеханов Үзбәкстан Президенты Шәүкәт Мирзиеев белән дә очрашып сөйләште. 

Хәзер әлеге илдә Татарстан тәҗрибәсенә таянып сәнәгать зоналары булдырыла, предприятиеләр уртак хезмәттәшлек алып бара. Багланышларны яңа дәрәҗәгә чыгарып, инвесторларны күбрәк җәлеп итү өчен, Рәис нинди киңәшләр бирде? Бу хакта Рүзәл Шәрипов репортажында.