Фәрит Мөхәммәтшин журналистларга: Сез халыкны хакимият белән бәйләп торучылар

"Сез халыкны хакимият белән бәйләп торучылар. Республикадагы төп вакыйгаларның шаһитлары." Бүген матбугат көне уңаеннан уздырылган очрашуда Фәрит Мөхәммәтшин журналистларга шулай дип белдерде. 

Аларны бәйрәм белән котлап, халыкара һәм Россиякүләм ваыйгаларны яктыртулары өчен рәхмәтен җиткерде. Хәзер Татарстанда 648 мәгълүмат чарасы бар. Газета-журналларның гомуми тиражы 584 меңнән артып китә. "Бөек Ватан сугышында катнашучылар турында күбрәк сөйләргә, СВО геройларын игътибардан читтә калдырмаска, халыкка тиз арада дөрес мәгълүмат җиткерергә - бу көн кадагында торган төп бурычлар", ди Дәүләт Советы рәисе. Очрашуның истәлекле мизгелләре хакында Инзилә Хөсәенова.