"Урам"да очрашу: яшьләрнең җитәкчеләргә сораулары нинди?

Имтиханнарга әзерлек, шпаргалка куллану, электр самокатларына мөнәсәбәт... Бүген яшьләр үзләрен кызыксындырган сорауларны берюлы ике Республика башлыгына бирә алды. Татарстан Рәисе Рөстәм Миңнеханов һәм Мордовия башлыгы Артем Здунов яшүсмерләр белән очраштылар. 

Алар "Татарстан - Мордовия" төбәкара форумында катнаша. Ул әле тәүге тапкыр уздырыла һәм ике төбәкнең "Алдынгылар" хәрәкәте вәкилләрен берләштерә. 

Очрашуга 200гә якын бала чакырулы иде. Урам паркындагы фикер алышудан - безнең репортаж.