Казанның 7нче шәһәр хастаханәсе скверында Марат Садыйковның бюсты ачылды

Кичә Казанның 7нче шәһәр хастаханәсе скверында элеккеге сәламәтлек саклау министры Марат Садыйковның бюсты ачылды. Ул узган елның гыйнварында 54 яшендә бакыйлыкка күчкән иде.

Министр вазифасына керешкәнче, Марат Садыйков 7нче хастаханәдә баш табиб булып эшләде. Ул җитәкләгән 10 елда бу клиника халыкара таләпләргә туры килгән медицина үзәгенә әверелә. Аңа узган ел Марат Садыйков исемен бирделәр. Олы йөрәкле табиб һәм үз эшенең остасы турында киләсе репортажда.