Балтач районында вәхшиләрчә кыйналган табиб булган хәл турында сөйләде

Балтач районында вәхшиләрчә кыйналган табибны өенә - дәваланырга чыгарганнар.

Юл читендә әйләнеп капланган машинаны күреп, ярдәм итәргә туктаганнан соң - үзе хастаханәгә эләккән Аяз Мәҗитов белән булган хәл узган атнада социаль челтәрләрдә шау-шу уятты.

Машина регистраторы кадрларыннан күренгәнчә, аны бер төркем яшьләр кыйный. Республиканың Эчке эшләр министрлыгында хәбәр итүләренчә, бу 18-21 яшькәчә егетләр була. Әлегә дүртесен тоткарлаганнар.

Мәҗитовлар гаиләсе гаеплеләрнең тиешле җәзасын алуына өметләнә, ә Республиканың табиблар даирәсе — ир-атка кул күтәрүчеләрне гаепләп чыкты.