Яр Чаллының медицина тармагында тарихи вакыйга: беренче тапкыр бөер күчереп утыртканнар

Яр Чаллының медицина тармагында тарихи вакыйга. Ренат Акчурин исемендәге ашыгыч медицина ярдәме хастаханәсендә беренче тапкыр бөер күчереп утырттылар. 

Моңа кадәр биредә йөрәк трансплантациясе генә ясалса, хәзер табиблар бөер операциясе юнәлешендә дә эшли. Бу - республиканың төньяк-көнчыгыш төбәге өчен югары технологияле ярдәм күрсәтүдә зур адым. 

Пациентлар даими рәвештә гимодиализга йөрүдән котылып, гадәти тормыш алып бара башлый. Бөер күчереп утыртылган беренче пациентлар белән Луиза Сафуанова очрашты.