Резидә Шәрәфиева: "Минем бер яхшы гадәтем бар"

ТНВ каналында чыгучы "Сөйләшергә вакыт" тапшыруында кунакта Татарстанның халык артисты Резидә Шәрәфиева булды. Җырчы үзенең башка кешеләр белән конфликтларга кермәскә тырышуы һәм, гомумән, бу гадәтне яратмавы турында сөйләде.

"Кайчагында бөтен әйбергә дә риза булып бетеп булмый. Риза булмаган әйберне әйтер алдыннан мин башта уйлыйм. Үземне мактанып утырыйм әле - мин гафу итә беләм. Күп очракта нәрсәдер әйтелә, синдә дә, анда да кала. Бу начар да түгел, яхшы да түгел. Ул очракта мин гафу сорыйм. Гафу үтенә беләм мин", - дип сөйләде Татарстанның халык артисты Резидә Шәрәфиева.