Авыл тормышын күрсәтүче блогер Равил Закиров күпме акча эшли?

Узган атнада "ТНВ Татарча" Вконтакте төркемендә Әбри Хәбриев алып барган "Ә Син?" тапшыруының яңа чыгарылышы дөнья күрде. Кунагыбыз блогер Равил Закировтан кереме турында да кызыксындык. 

"Бүгенге көндә керемне төп-төгәл әйтә алмыйм. Ай саен 65 мең ипотека, 10 мең квартплата түләргә акча бар. Кергән һәрбер акчаны мин үземнең проектларыма җибәреп барам - аппаратура, реклама алам. Шул ук вакытта җырлар да яздырам. Хәзер бер җырга да 100 мең кирәк, әле ротация бар. Үземә кирәк-яракка тотарга акча җитә, әле берәр кыз белән йөри башласам, аның мәнфәгатьләрен кайгыртырга да акча җитәчәк дип уйлыйм", - дип сөйләде Равил. 

Тапшыруны тулысынча биредә карый аласыз.