Айдар Галимов: "Яшьләр элеккеге хит җырларны гына җырлап, күтәрелеп китү ягын карыйлар"

ТНВ каналында чыгучы "Сөйләшергә вакыт" тапшыруында кунакта Татарстанның халык артисты Айдар Галимов булды. Җырчы эстрадада булган тенденция - иске җырларны заманчалаштырып башкаруны да күтәрде.

"Яшьләр элеккеге җырларга әйләнеп кайта башладылар. Яхшы-начармы икәнен белмим. Яшь җырчылар моннан тәм тапмыйча тегеннән эзли башлагач, димәк элек нәрсәдер булган. Ул бүген юк. Мин монда популяр җырлар белән тиз генә үсеп китү ягын да тоемлыйм. Үзең яңаны эзләп торганчы әзер, сыналган җырларны заманча эшлиләр дә, күтәрелеп китү ягын карыйлар. Миннән дә сорыйлар. Әгәр дә җыр репертуарымда юк икән - ризалаша да алам", - дип сөйләде халык артисты.