Блогер Равил Закиров ничек җырлый башлавы турында: "Мин моңа бик озак килдем"

Блогер Равил Закиров ТНВ каналы социаль челтәрләрендә чыгучы "Мин беләм" интеллектуаль шоуында ничек җырлый башлавы турында сөйләде. 

"Минем гаиләдә дә җырлаучылар бар. Ике туган апам, әти дә җырлап ала иде. Хәзер менә шундый бәхет эше миңа да төште. Мин моңа бик озак килдем. Бу бит әле синең талантыннан гына тормый, композиторлар, шигырь язучылар белән яңа танышулар кирәк. Шуннан соң гына була торган әйбер ул. Бүгенге көндә акрынлап алга барам", - дип сөйләде Равил. 

Бик тиздән Равил алып барган яңа тапшыру да дөнья күрәчәк. Аны "ТНВ Татарча" Вконтакте төркемендә карап булачак.