Башкалада БРИКС уеннарына әзерлек бара

Башкалада БРИКС уеннарына әзерлек тулы куәткә бара. Ул 12нче июнь көнне ачылачак. 5 меңнән артык катнашучы 29 спорт төре буенча көч сынашыр дип көтелә. Әлеге уен 2016нчы елдан бирле үткәрелеп килсә дә, болай зур итеп беренче мәртәбә оештырыла һәм ул ике атна дәвам итәчәк.

Моның өчен Казанда 18 спорт объектын әзерлиләр. Әлегә командалар тулысынча формалашып бетмәгән. БРИКС уеннары вакытында кунакларны ничек каршы алачаклар һәм аларга нинди программа тәкъдим ителә? Чулпан Касыймова җиткерер.