"Нефтехимик" - "Ак Барс": ТНВда туры трансляция

Бүген Татарстанда хоккей көне! 19:30 сәгатьтә КХЛ чемпионаты кысаларында җирле "Нефтехимик" һәм Казаннан килгән "Ак Барс" очрашачак. 

"ТНВ-Татарстан" һәм "ТНВ-Планета" телеканаллары матчны туры трансляциядә күрсәтәчәк. 

"Нефтехимик" Көнчыгыш конференциядә бишенче урында бара. Соңгы уенда алар үз бозында "Салават Юлаев"ны 1:0 җиңде. "Барс"лар шул ук конференциядә икенче урында. Соңгы бәрелештә алар "Локомотив"ка 1:3 оттырды.

Исегезгә төшерәбез, "Ак Барс" бу сезон барышында 11 уен рәттән җиңеп, клуб тарихын яңартты. 

Фото: ak-bars.ru