Казаннан Луганск Халык Республикасына 180 тонна гуманитар ярдәм озаттылар

Татарстан үз шефлыгындагы Лисичанск һәм Рубежное шәһәрләрен кышка әзерли. Бүген Казаннан Луганск Халык Республикасына зур партия гуманитар ярдәм озаттылар. 

180 тонна кирәк-ярак - анда яшәүчеләр, госпитальләрдә ятучылар һәм хәрбиләр өчен җыелган. Тартмаларда көзге яшелчәләр, җылыту җайланмалары, төзелеш материалларына кадәр бар. 

Аларны Татарстан халкы һәм "Бердәм Россия" партиясе ярдәме белән туплаганнар. Изге гамәлгә Республиканың 10 районында яшәүчеләр, зур предприятие вәкилләре, уку йортлары кушылган.