Танылган шагыйрә Розалина Шаһиева вафат

Тукай премиясе лауреаты, сәнгать белгече, шагыйрә Розалина Шаһиева вафат. "Татар-информ"га мәгълүматны Татарстан Язучылар берлеге рәисе урынбасары Илсөяр Иксанова раслаган. Розалина Шаһиевага 78 яшь була.

«Үткән атнада гына берлеккә килеп, китапларын калдырып китте. Бик яшәү дәрте белән йөри иде. Киләсе атнада килергә дип сөйләшкән идек. Бик кыен булды бу хәбәрне ишетү», – дигән Илсөяр Иксанова.

Розалина Шаһиева белән хушлашу мәрасиме 15 майда булыр дип уйланыла. Ул ТР Дәүләт Сынлы сәнгать музеенда булырга мөмкин. Төгәлрәк мәгълүмат соңрак биреләчәк.

Фото: tatar-inform.tatar