Казанда милләтебезнең данлыклы сәүдәгәрләре - Апанаевлар нәселе дәвамчылары очрашты

Казанда милләтебезнең данлыклы сәүдәгәрләре - Апанаевлар нәселе дәвамчылары очрашты. "Татар бистәсе" музеена аларның 4 буын вәкилләре җыелган иде.

Үзләре белән архив документлары, фотосурәтләр алып килгәннәр. Аларны музейга тапшыралар. Апанаевлар - хәйриячеләр, татар мәдәниятен үстерүгә зур өлеш керткәннәр.

 Хәзер башкалада аларның исеме бирелгән мәчет, йорт бар. Нәсел дәвамчылары төрле шәһәрләрдә яшәсә дә, Казан алар өчен тарихи ватан булып кала.