"Яңа Гасыр" телерадиокомпаниясендә хезмәттәшләре Рөстәм Нәбиуллин 85 яшьлек юбилее белән котлады

Киләсе репортажыбыз Рекордлар китыбына керерлек шәхес турында. Рөстәм Нәбиуллинга - татар телевидениесенең йолдызы, яраткан алып баручыбыз, кадерле хезмәттәшебезгә - 85 яшь тулды. Һәм ул бүген дә эфирда.

Телевидение тарихында бу гаҗәеп хәл. Ә диктор өчен чын бәхет. Үз эшенең чын остасы булуына ныклы дәлил. Бүген аны "Яңа гасыр" телерадиокомпаниясендә хезмәттәшләре, аннан үрнәк алып эшләүче яшьләр, берничә буын журналистлар җыелып, юбилее белән котлады.