Күренекле татар шагыйре Клара Булатова вафат

Күренекле татар шагыйре Клара Булатова вафат, дип хәбәр итә ТР Язучылар берлеге матбугат хезмәте.

"Татарстан Язучылар берлеге мәрхүмәнең туганнарының, якыннарының тирән кайгысын уртаклаша. Каләмдәшебезнең урыны җәннәттә булсын", - диелә хәбәрдә.

Габдулла Тукай исемендәге Дәүләт премиясе лауреаты 1936 елның 18 мартында Татарстанның Сарман районы Татар Карамалысы авылында туа. Сарманның мактаулы гражданины. 

Аның шигъри теле халыкчан гыйбарәләргә, отышлы чагыштыру-метафораларга бай булуы, фикер-хисләренең ихласлыгы белән үзенә тарта. Шагыйрәнең күп кенә лирик шигырьләренә Татарстан һәм Башкортстан композиторлары тарафыннан музыка язылган.

Фото: tatar-inform.tatar