Күренекле мәгърифәтче, галим Каюм Насыйри мирасына багышланган фәнни фәнни гамәли конференция узды

Үз заманы өчен генә түгел, хәзерге яссылыктан караганда да үтә дә белемле, алдынгы карашлы шәхес. Күренекле мәгърифәтче, галим, тәрҗемәче, татар телендә дәреслекләр авторы Каюм Насыйри мирасы турында бүген бөтенроссия фәнни гамәли конференциясендә сөйләштеләр. 

Танылган шәхеснең тууына 200 ел тулуга багышланган чара - Шиһабетдин Мәрҗани исемендәге тарих институтында узды. Анда галим, укытучы, тарихчылар җыелган иде. Татарстаннан гына түгел, Уфа, Мәскәү, Оренбург шәһәрләреннән, Дагыстан, Казахстаннан. 

Бу да Каюм Насыйриның киңкырлы эшчәнлеге республика киңлекләре белән генә чикләнмәвен дәлилли.