Фәрит Мөхәммәтшин Илшат Әминовны Рәхмәт хаты белән бүләкләде

Бүген «ТАТАР СҮЗЕ» дүртенче халыкара телевизион конкурсының гала-концертында ТНВ генераль директоры Илшат Әминевны Татарстанның мәдәни үсешенә зур өлеш керткәне өчен рәхмәт хаты белән бүләкләделәр.

Рәхмәт хатын Татарстан Дәүләт Советы Рәисе Фәрит Мөхәммәтшин имзалаган.

Исегезгә төшерәбез, Казанның «Сәйдәш» мәдәният үзәгендә халкыбызның иң мөһим мәдәни ел вакыйгасы - «ТАТАР СҮЗЕ» дүртенче Халыкара нәфис сүз телевизион бәйгесенең Гала-концерты узды.