Казанда җитештерелгән самолетка Габдулла Тукай исеме биреләчәк

Казанда җитештерелгән самолетка Габдулла Тукай исеме биреләчәк. Ә башкала аэропортында сатылган билетларда аның шигъри юлларын укып булыр. 

Кичә - бөек шагыйрьне искә алганда шул хакта әйттеләр. 15 апрель - аның вафат булган көне. Моннан 112 ел элек шагыйрьнең йөрәге тибүдән туктый. Ул кыска гына гомерендә татар халкына бай әдәби мирас калдыра. 

Бүген аны татарлар яшәгән һәр төбәктә диярлек искә алдылар. Казанда - шагыйрьнең каберенә чәчәк салалар. Соңрак музеенда хөрмәтләделәр.Тулырак - хәбәрчебез Эльмира Имамиева репортажында.