Авиатөзелеш районының кайбер йортларында бер тәүлеккә су бетәчәк

Казанның Авиатөзелеш районындагы кайбер йортларында яшәүчеләр бер тәүлеккә сусыз калачак. Сәбәбе - яңа торбаүткәргечне үзәк су белән тәэмин итү челтәрләренә тоташтыру һәм җиһазларны алыштыру.

Инвестиция программасы кысаларында 1981 елда төзелгән торба үткәргеч яңа полиэтилен торбаларга алыштырыла, аны тоташтыру 24 апрельгә планлаштырылган. Эшләр Чита һәм 2 нче Шатура урамнарында Айдаров урамыннан Кутузов урамына кадәр алып барылачак.

24 апрель 9:00 сәгатьтән 25 апрель 9:00 сәгатькә кадәр су өзеләчәк адресларны Казан шәһәре мэриясе бастырды. 

Фото: скриншот ТНВ