Кичә Әлмәттә 4 мең кеше көне буена сусыз калды - видео

Кичә Әлмәттә 4 мең кеше көне буена сусыз калды. Шәһәрдәге микрорайоннарның берсендә торба тишелгән. Подрядчы оешма яңа төзелгән йортны су системасына тоташтырган.

Аларның иртәнге биштә эшне тәмамлавы була, берничә урыннан торба шартлый. Нәтиҗәдә, 26 йорт сусыз кала. Район җитәкчелеге әйтүенчә, бу хәл подрядчы оешма гаебе белән килеп чыга.

Шуннан соң, авария урынына Водоканал хезмәткәрләре килә һәм торбаны ремонтлый башлый. Хәзер алар суны элеккеге схема буенча тоташтырачак, шуңа күрә яңа йорт аварияне бетергәннән соң да вакытлыча сусыз торачак. Әлеге урында эш барышын көн дәвамында Әдилә Закирова күзәтте.