Газ оешмасының халыкны кабул итү бүлекчәләрендә зур чират җыелган

«Газпром трансгаз Казан» оешмасының халыкны кабул итү бүлекчәләрендә зур чират җыелган.

Бер айга якын халык анда барып, газ җиһазларына хезмәт күрсәтү буенча килешү төзергә тырыша. Әмма бөтенесе берьюлы килү сәбәпле, чират җыела.

Кайбер шәһәрләрдә эш графигын үзгәртергә туры килде, кайдадыр документлар исемлеген кыскарттылар. Татарстанда газдан файдаланучы 1 миллион ярымнан артык кешенең нибары 10% гына яңа килешү төзеп өлгергән.

Беренче гыйнварга өлгерәм дип, ашыкмасаң да була икәнлеге ачыкланды. Килешүне киләсе ел дәвамында төзеп була икән. Ни өчен бу хакта алдан ук хәбәр ителмәгән? Тулырак Илдар Сафиуллин.