Татарстанда хәбәр итү системаларын тикшерү датасы һәм вакыты игълан ителде

Татарстанда хәбәр итү системаларын планлы тикшерү 6 мартта узачак. Бу хакта ТР Гадәттән тыш хәлләр министрлыгының матбугат хезмәтендә хәбәр иттеләр.

10:40 сәгатьтән 10:43 сәгатькә кадәр сиреналар һәм тавыш көчәйткечләр, шулай ук радио һәм телеканаллар эфирында «Внимание всем!» сигналы биреләчәк.

Ведомствоның матбугат хезмәтеннән паникага бирмәүне, радио яки телевидениене кабызуны, хәбәрне тыңлауны һәм ишеткән кагыйдәләр буенча эш итүне сорыйлар.

Фото: freepik.com