Ашыкмагыз! Татарстанлыларга тәгәрмәчләрне кайчан алыштырырга икәнлеген әйттеләр

Җитештерүчеләр кышкы резинадан җәйгесенә күчүне уртача һава температурасы 5-7 градус җылылык чиген узганда, бозлавык һәм туңулар булмаганда алыштырырга куша, дип яза «Татар-информ».

Татарстан буенча автомобиль хуҗалары федерациясе вәкиле Рамил Хәйруллин сүзләренчә, бу гадәттә апрель уртасында була. Чиратта торырга теләмәүчеләр бу атнада ук шиналарын алыштыра башлаячак.

Шул ук вакытта Хәйруллин билгеләп үткәнчә, ерак сәяхәтләр планлаштырылса, резинаны алыштырырга ашыкмаска кирәк.

КФУ профессоры Юрий Переведенцев билгеләп үткәнчә, кар әле Май аенда да яварга мөмкин.

Фото: freepik.com